南美印加旅程 (Day 41 ) -Miraflores街市中金多寶？
還有兩天便結束南美旅程了， 由於去了長的旅程後，也感到累了， 不想坐車去遠的景點，所以這兩天都打算係利馬新城區活動下便算了！
今天睡晚了， 不用趕行程， 可以去行街前先慢慢去食個早點， 去了酒店附近的食店。
秘魯除了流行食我們的炸雲吞外， 也流行食角仔的， 這些角仔的名稱叫作Empanada， 其實去過中南美的國家中都流行吃的， 當中覺得秘魯的角仔最好食， 因為餡料做得最好。 另外玻利維亞的角仔都好食，而且還很便宜！ 這食店賣的是由不同餡料的角仔，價錢平均約$2USD，這裡是新城區， 所以消費較貴。 角仔的餡料可選雞肉、洋蔥，蕃茄，芝士和肉桂味道等等..
飲料就點了這杯 Chicha 冰沙， 講起 Chicha 這飲料是有段古的， 早於古印加時期就已經有這飲料了， 本來這是酒精飲料，是作為節慶和敬拜獻禮的重要飲料。 於古印加時期， 會由印加少女去嚼爛一些黑色玉米， 然後呼把嚼爛發酵而成為Chicha這酒精飲料。 不過現代當然不會這樣做啦！ 現在大家於秘魯隨處可買到， 而 Chicha 現在多只是普通的飲料， 沒有酒精成份， 如果大家去秘魯餐廳的話， 都可喝到Chicha的。
跟著係新城區到處很下， 見到有人於馬路中心表演， 每當紅燈時， 這人都走出馬路表演， 希望表演完後有司機打賞一下！
本來想先去電腦商場去拿回要修理的手提電腦， 但去到維修店時， 店主說正在修理緊我的電腦， Miraflores新城區市中心內有一叫作Inca Market 的地方可以一去的， 其實這地方是賣紀念品的， 這紀念品市場很大， 有很多檔口， 賣的紀念品品種也多， 價錢可以接受， 不過也要記住講價呢！
跟著去 新城中心區內的Mercado行下， Mercado的西班牙文即是街市或市場的意思， 由於街市內人較多和雜， 大家小心財物！
街市內有很多水果店、 果汁店和食店， 看見有黃色的火龍果。
街市內大排檔的價錢勁平， 最便宜的 3.5 S 就有一個Set lunch 了， 即是約$10HKD 便可食到有飯有湯有飲品的套飯了！ 去邊道搵到咁平的價錢呢！ 不過大家食之前都係考慮一下！ 有得必有失！ 奇食後就肚瀉了好幾天！
除了我自己外， 沒甚麼見到有遊客夠膽係街市內吃！ 吃的都是當地人多！ 怪不得奇食後馬上中獎肚瀉！
套飯跟埋飲料， 是假波蘿汁。
前菜選了 Ceviche， 即是魚生， 是用花枝、 生魚肉片、 洋蔥、生菜 加上檸檬汁和辛辣料做的， 跟一小番薯， 味道清新可口。 但食完後才醒起自己居然咁勇！ 夠膽係這街市內吃這些魚生的物體！ 真係唔中頭獎就奇啦！ 唔知大家會否像咁勇呢！
main courses是炸魚飯 (Pescado)， 跟薯仔和洋蔥， 味道幾得！ 食落有點似我們的碟頭飯！
當時食完後還未來料 (肚瀉)， 見到有一檔專賣湯的， 忍唔住口又點了海鮮湯！ 價錢10S， 約$4USD。 現在回想起咁勇係街市內吃， 重點多味海鮮湯， 真係唔中頭獎都唔得啦！
師傅先將好多不同的調味粉、辣醬、 番茄膏等等爆香， 然後再加魚片、花枝、蝦、帶子等等....
不出幾分鐘師傅便整了這味秘魯海鮮湯出來， 看見都感吸引呢！
食時加上這些炸玉米粒， 海鮮湯食落感辛辣又可口。 食得津津有味時又點會想到跟著會肚子受罪呢！
食完海鮮湯後， 重唔肯罷手！ 去埋果汁店， 點了一杯叫 Maca 的當地特色飲料， Maca 是一種安第斯高山的草葯， 加上果汁做成這杯飲料， 飲埋這果汁後重唔中硬金多寶？ 結果去完電腦商場後， 便要回酒店解決！ 跟著幾天都不斷的肚瀉！ 不過這肚瀉的感覺是好奇怪的， 肚子不痛， 只是Pat Pat 受罪， 不斷的肚瀉！ 這是否就是排毒呢？ 事實上是瀉足有好幾天， 不過瀉完後的感覺又是從未如此輕鬆過的！ 究竟以上咁多食品，邊樣才是令我中獎的高手呢? 是食物不潔，還是這安第斯山的草藥飲料在發揮排毒功效呢？ 不知大家會否夠膽係外面的街市咁樣食法呢？ 如果夠膽的朋友， 食完後講給我知是員哪一食品中獎吧！
是日洗費: ($1USD = 2.5S 秘魯幣)
早餐連飲料 : 8S
Lunch : 20S
住宿 : 80S
全日洗費 Total : 約 $43 USD (約 $335 HKD， 未計買記念品 )
留言列表
